नाकाबन्दी विरुद्ध क्यानडामा विरोध प्रदर्शन

मंसिर १३ । भारतले लगाएको नाकाबन्दीका विरुद्ध क्यानडामा पनि विरोध प्रदर्शन भएको छ । एनआरएन क्यानडाले नेपालमा भइरहेको भारतीय नाकाबन्दीविरुद्ध टोरन्टोमा विरोध प्रदर्शन गरेको हो ।

त्यहाँ रहेका नेपालीहरुले तत्काल नाकाबन्दी खोल्न माग गरेका छन् । उनीहरुले भारतीय महावाणिज्य दूतावासअघि विरोध प्रदर्शन प्रदर्शन गरेका थिए ।

एनआरएन क्यानडाका अध्यक्ष तुलसी थपलियाले नाकाबन्दीले दुई देशबीचको सम्बन्धलाई कमजोर बनाउँदै लगेको भन्दै नाकाबन्दी तत्काल खोल्न आग्रह गरे ।

प्रदर्शनमा टोरन्टोका विभिन्न नेपाली संस्थाहरुको सहभागिता थियो । 

यसअघि, अमेरिका, बेलायत लगायत दर्जनौं राष्ट्रमा भारतका विरुद्ध विरोध प्रदर्शन हुँदै आएको छ । राष्ट्रसंघले पनि पटक पटक नाकाबन्दी खोल्न आग्रह गर्दै आएको छ । भारतले भने हेपाहा प्रवृत्तिमा सन्धी सम्झौता विपरित २ महिना बढी समयदेखि अघोषित रुपमा नाकाबन्दी लगाउँदै आएको छ ।