विप्लवको कब्जामा रहेका थवाङ गाउँपालिकाका अध्यक्ष छुटे
काठमाडौं १ असोज
नेत्र विक्रम चन्द नेतृत्वको नेकपाको अपहरणमा परेका थवाङ गाउँपालिका अध्यक्ष बीरबहादुर घर्ती मगर अपहरणमुक्त भएका छन् ।
२९ भदौ रातको समयमा थवाङको कोइजाबाङबाट अपहरणमा परेका अध्यक्ष घर्ती मगरलाई रोल्पा नगरपालिका वडा नं. १० धबाङको भनभने स्थानबाट ३१ भदाैकाे साँझ अपहरणमुक्त गरिएको हो ।
उनलाई पत्रकारको रोहरबारमा अपहरणमुक्त गरिएको थियो । अपहरणमुक्तपछि प्रशासनले उनको स्वास्थ्य परिक्षण गर्नुका साथै आवश्यक जानकारी लिने काम गरेको छ ।
अपहरणपछि ३० भदौमा नेकपाले विज्ञप्ति जारी गर्दै उनलाइ आफूहरुले नियन्त्रणमा लिएको जनाएको थियो । नेकपा माओवादी केन्द्रका अध्यक्ष पुष्पकमल दाहाल प्रचण्ड गाउँसभाको उदघाटनमा जाने भएपछि त्यसको दुई दिन उनको अपहरण भएको थियो ।
गाउँपालिकाको अध्यक्षको अनुस्थितिमा समेत पूर्व प्रधानमन्त्री समेत रहेका प्रचण्डको प्रमुख आतिथ्यतामा गाउँसभा शनिबार भयो ।
प्रकाशित मिति:
September 17, 2017
