अफगानस्तानमा मारिए पाँच आइएस आतङ्ककारी
काबुल, १७ पुस
अफगान प्रान्त नान्नर्गाहारमा अफगान सेनाले गरेको हवाई कारबाहीमा इस्लामिक स्टेट्स (आइएस) आतङ्ककारी समूहका पाँच लडाकू मारिएका छन् । नान्गाहार प्रान्तको दिह बाला जिल्लामा अफगान विशेषबलले गरेको कारबाहीमा आइएसका पाँच आतङ्ककारी मारिएका र अन्य दुइजना घाइते भएका छन् ।
सोमबार अपरेसन कोडिसन ग्रुप अफगानिस्तान एओडिओसिनिएद्वारा जारी विज्ञप्तिमा जनाइएको छ ।
अफगान सुरक्षा बल र नेटोआवद्ध सैनिकले आतङ्ककारी विरुद्ध हवाई कारबाही जारी राखेका छन् । यस द्वन्द्वग्रस्त देश अफगानिस्तानमा तालिवान र आइएस लडाकू समूहले आक्रमण गर्दै आएको पाइन्छ ।
अफगानिस्तानको नान्गाहार प्रान्तमा सन् २०१५ बाट आइएस आतङ्ककारी समूहको बलियो प्रभाव रहँदै आएको भन्ने गरिएको छ । रासस
प्रकाशित मिति:
January 01, 2018
