बिहानै ओली–प्रचण्ड भेट, कार्यदललाई ओली र प्रचण्डको यस्तो निर्देशन

काठमाडौं २६ पुस

नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डसहित कार्यदलको बैठक आज बिहान बसेको छ ।

दुई दलले मंगलबार गठन गरेको कार्यदललाई तत्काल काम शुरु गर्न दुवै अध्यक्षले निर्देशन दिएका छन् । 

बैठकमा ओली र प्रचण्डले कार्यदलले काम गर्ने कार्यविधि र कार्यदेशका बारेमा दिशानिर्देशन गरेको प्रचण्डका प्रेस संयोजक मनहरि तिमल्सिनाले बताए ।

कार्यदलले राष्ट्रिय सभाको निर्वाचनमा साझा उम्मेद्वार, प्रदेश सरकारको गठन, प्रदेशको मूख्यमन्त्री, सभामूख लगायतका विषयमा साझा धारणा बनाएर पार्टी एकता संयोजन समितिमा रिपोर्ट पेश गर्नेछ। 

रिपोर्ट तयार पार्दा दुवै दलले प्राप्त गरेको जनमत, व्यक्तिको व्यक्तित्व र योगदान, पार्टी एकताको स्प्रीड र सन्तुलनलाई आधार बनाइने कार्यदलका सदस्य वर्षामान पुनले जानकारी दिए ।