खुकुरी हानेर एकको हत्या I
सल्यान कालीमाटी रामपुर गाविस– १ कोछट्टे निवासी जङ्गबहादुर खत्रीले सोही ठाउँका ३६ वर्षीय जीतबहादुर घर्तीलाई खकुरी प्रहार गरी हत्या गरेका हुन् ।
मङ्गलबार दिउँसो लेनदेनको विषयमा विवाद भएपछि उनीहरुबीच झगडा सुरु भएको बताइएको छ । भनाभनलगत्तै घर्तीले खत्रीको घरमा आएर कुटपिट गर्न थालेपछि खत्रीले खुकुरी प्रहार गरेका थिए ।
आवेशमा आएका खत्रीले प्रहार गरेको खुकुरी घर्तीको घाँटीमा लागेपछि टाउको छिनालिएको अवस्थामा शव फेला परेको इलाका प्रहरी कार्यालय कालीमाटी रामपुरले जनाएको छ ।
हत्यालगत्तै खत्रीले खुकुरीसहित इलाका प्रहरी कार्यालय रामपुर आत्मसमर्पण गरेका थिए ।
प्रकाशित मिति:
June 20, 2012
