News » पूर्व युववराज्ञी हिमानी शाह पुगिन् जानकी मन्दिर I

असार ८ – पूर्व युववराज्ञी हिमानी शाह आज जानकी मन्दिर पुगेकी छन् । हिमानी ट्रस्टका अध्यक्ष समेत रहेकी हिमानीले आज बिहान जानकीमन्दिरमा पुगेर पूजाअर्चना गरिन् ।

 हिमानीलाई मन्दिरका महन्थ रामतपेश्वर दासले मन्दिरको अवस्थाबारे जानकारी गराएका थिए । उनले मन्दिर परिसरमा रहेको मिथिला सङ्ग्रहालयको पनि निरीक्षण गरेकी छन् ।

राजा जनककी छोरी जानकी अर्थात् सीताको जीवन पद्धतिसँग जोडिएको क्रियाकलाप झल्कने परम्परागत पोसाक, कलात्मक गरगहना, मुकुट आदि सङ्ग्रहालयमा प्रदर्शनका लागि राखिएको छ ।

उनको यो यात्रालाई राजनीतिक तथा सामाजिक भन्दा पनि धार्मिक रुपमा पुजा आर्चनाकै रुपमा हेरिएको छ ।

प्रकाशित मिति: June 22, 2012