प्रचण्डपुत्र युवती लिएर सुटुक्क पटनामा !
यतिबेला प्रचण्डपुत्र गायब भएको मात्रै नभएर तेस्रो विवाह गरेको चर्चा व्यापक रुपमा चलेको छ ।
त्यसो त उनलाई आफ्नै बाउ अध्यक्ष रहेको पार्टीले केटी लिएर भागेको अभियोगमै पार्टीको साधारण सदस्य नरहने गरी कारबाही समेत गरेको छ ।
प्र्रचण्डपुत्र गत २० गतेदेखि घरमा आएका छैनन् भने उनले बोक्ने गरेको मोबाइल स्वीच अफ छ । उनीसँगै सरस्वती क्याम्पसकी स्ववियू सभापति बिना मगर पनि सम्पर्क बिहिन अवस्थामा छिन् । यी दुई यसअघि सगरमाथा चढ्दा खासाखुसी मात्रै नभएर उनीहरुको लभस्टोरी सबै टोलिका अगाडी छताछुल्ल समेत भएको थियो । त्यसकारण पनि उनीहरु दुवै जना बिहे गरेर भागेको चर्चा चलेको छ ।
छोरा घरमा नआएपछि माओवादी अध्यक्ष पुष्पकमल दाहाल प्रचण्डको परिवारले सबैतिर खोजि गरिरहेको छ ।
यदि, सो खबर साँचो हो भने प्रकाशले तेस्रो बिहे गरेका छन् । प्रकाशले यसअघि नै दुई बिहे गरिसकेका छन् भने बिना पनि विवाहित नै हुन् । प्रकाशले पहिले माओवादी सचिव पोष्टबहादुर बोगटी दिवाकरकी छोरी प्रभासँग विहे गरेका थिए । प्रभासंग जनवादी हिसाबले भएको विवाह आपसी समझदारीमा सम्बन्ध विच्छेदमा पुगेको थियो ।
त्यसपछि झण्डै चार वर्षअघि उनले काश्की पोखराकी श्रृजना त्रिपाठीसंग मागी विवाह गरेका थिए । श्रृजनाबाट एक छोरा छन् । उनी अहिले लाजिम्पाट निवासमा छिन् ।
बिनाको पनि माओवादी कार्यकर्ता शंकर अधिकारीसँग करिब तीन वर्षअघि विवाह भएको थियो । बिना एमाओवादीतर्फ छिन् भने शंकर वैद्य पक्षले नेतृत्व गरेको नेकपा(माओवादीको ललितपुर जिल्ला समितिमा कार्यरत छन् । पार्टी विभाजनपछि मगर दम्पतीको सम्बन्ध बिग्रिएको थियो ।
प्रकाश र विना चार दिनदेखि संगै बस्दै आएको पनि समाचारहरुमा उल्लेख गरिएको छ ।
प्रकाश र बिनाको सम्बन्धबारे चर्चा चुलिएपछि अध्यक्ष दाहालले छोरा प्रकाशलाई केही दिनअघि सोधपुछ गर्दै व्यवहार परिवर्तन गर्न चेतावनी दिएको र त्यसलाई अस्वीकार गर्दै प्रकाश परिवारबाटै सम्पर्क बिहीन भएको खबर पनि कान्तिपुर अनलाइनले छापेको छ ।
यही विषयलाई लिएर हिजोदेखि चर्चा निक्कै चलेपनि अनि एमाओवादीले उनलाई सोही विषयमा कारबाही नै गरे पनि उनीहरुले बिहे गरेको हो या त होइन भन्नेबारे भने अहिलेसम्म पुष्टि हुन बाँकी छ ।
यो पनि नछुटाउनुस्
- प्रचण्डपुत्र प्रकाशको बिनासँगको रोचक सगरमाथा लभ डायरी
- प्रचण्डपुत्र बिनासँग भागेपछि पार्टीबाट पनि निस्काशित
प्रकाशित मिति:
July 10, 2012
