आमाहरुकी पनि आमा दिलशोभा सम्मानित
भदौ १३ – अन्तर्राष्ट्रिय कलाकार मञ्च जर्मनीले काठमाडौँमा एक कार्यक्रमको आयोजना गरी आमाहरुकी पनि आमा दिलशोभा श्रेष्ठलाई सम्मानका साथै आर्थिक सहयोग गरेको छ ।
मंगलबार राजधानीमा आयोजित उक्त कार्यक्रममा नेपाली चलचित्रका निर्देशक तुलसी घिमिरे, निर्माता तथा नायक आकाश अधिकारी, गायक धीरज राई लगायतको उपस्थिति रहेको थियो ।
सम्मान र सहयोग पाईसकेपछि दिलशोभाले सम्मानले आफू धेरै खुसी भएको र यसरी सहयोग पाएको खण्डमा हौसला मिल्ने बताइन् ।
वृद्धाहरुकी आमा मानिएकी दिलशोभाले विगत १६ वर्षदेखि ६०÷७० जना आमाहरुलाई स्याहार सुसार गर्दै आएकी छ ।
सम्मान कार्यक्रममा अन्तर्राष्ट्रिय कलाकार मञ्च जर्मनीका सल्लाहकार दयाराम पाण्डेले दिल शोभा जस्ता समाजसेवीलाई सम्मान गर्न पाउँदा धेरै खुसी लागेको र अब चाँडै कलाकारहरुको लागि पनि अक्षय कोषको स्थापना गर्ने घोषणा समेत गरे ।
तपाईहरुले पनि दिलशोभालाई सहयोग गर्न चाहनुहुन्छ भने यो नम्बरमा सम्पर्क गर्न सक्नुहुनेछ । मोबाइल नम्बर ९८४१७०२१७६, ल्याण्डलाइन ४२७४७३०/४६७०१६५ ।
प्रकाशित मिति:
August 29, 2012
