अमेरिकाले जुत्तामा भगवान बुद्धको तस्बिर राखेकोमा आपत्ति
भदौ १३ – त्रिभुवन विश्वविद्यालयअन्तर्गत केन्द्रीय बौद्ध अध्ययन विभागले संयुक्त राज्य अमेरिकाको जुत्ता उत्पादक कम्पनी आइकोन सु डिजाइनले उत्पादन गर्ने जुत्तामा भगवान् गौतम बुद्धको तस्बिर राखेकामा दुःख व्यक्त गरेको छ ।
विभागले विश्वमा शान्तिको सन्देश फैलाउने नेपालका राष्ट्रिय विभूति गौतम बुद्धको तस्बिरलाई जुत्तामा राखेर उनको अपमान गरेको ठहर गरेको छ ।
सो कार्यले विश्वका बौद्ध अनुयायीको आस्था र भावनामा चोट पु¥याउने र धार्मिक सद्भाव खलबलिन सक्ने भन्दै अविलम्ब त्यस्ता कार्य बन्द गर्न सम्बन्धित कम्पनीलाई विभागले आग्रह गरेको छ ।
विभागका प्रमुख डा मिलनरत्न शाक्यले कम्पनीले व्यवसायिक प्रायोजनका लागि बुद्धलाई मात्र नभएर कुनै पनि धर्मका संस्थापक एवम् धर्मगुरुलाई जुत्तामा प्रतिबिम्बन गरेर सम्बन्धित अनुयायीलाई ठेस पु¥याउन नहुने बताए ।
प्रकाशित मिति:
August 29, 2012
