करणीको प्रयास गर्ने होटल सञ्चालकले तीन लाख जरिवाना तिरे
भदौ १२ (रासस) – आफ्नै होटेलकी कामदार महिलामाथि जबर्जस्ती करणीको प्रयास गरेको आरोप लागेका हिमालयन लज लुक्लाका सञ्चालक दावा शेर्पाले सार्वजानिक रूपमा माफी माग्नुका साथै तीन लाख रुपैयाँ जरिवाना तिरेका छन् ।
गत शनिबार राति जबर्जस्तीको प्रयास गरेको भन्दै शेर्पाको होटेलमा काम गर्ने एक महिला कामदारले प्रहरीसमक्ष उजुरी गरेकी थिइन् ।
उक्त घटनाबारे छलफलका क्रममा पीडित महिलाले शेर्पाले माफी माग्नुपर्ने र रकम दिनुपर्ने माग गरेपछि मुद्दा मिलापत्र गरिएको प्रहरीनायब उपरीक्षक रमेशकुमार खड्काले जानकारी दिए ।
घटनाका सम्बन्धमा शेर्पाले सर्वदलीय तथा सर्वपक्षीय भेलामा माफी मागेर तीन लाख रुपैयाँ तिरेपछि मिलापत्र गरिएको हो ।
प्रकाशित मिति:
August 28, 2012
