सेती नदीले बगाएर मलामी बेपत्ता
भदौ १४ – मलामी गएका एक व्यक्ति बुधबार दिउँसो सेती नदीले बगाएर बेपत्ता भएका छन् ।
तनहुँ जामुने–१ का ४० वर्षीय मिनबहादुर उपरकोटी सेती नदीले बगाएर बेपत्ता भएका हुन् ।
गाउँकै एक वृद्धको मृत्युमा बुल्दी खोलाको घाटमा गएका ती व्यक्ति चिता जलाएर हातखुट्टा धँुदै गर्दा सेतीले बगाएको हो ।
प्रहरी र स्थानीयवासीले बेपत्ताको खोजी गरिरहेको जिल्ला प्रहरी कार्यालयले जनाएको छ । नदीमा बाढी बढेकाले खोजी गर्न कठिनाइ भएको बताइएको छ ।
प्रकाशित मिति:
August 30, 2012
