पुरानो श्रीमतीमा आकर्षण कम भन्ने अभिव्यक्ति दिएर विवादित बनेका भारतको केन्द्रीय कोइरा राज्यमन्त्री श्रीप्रकाश जयसवाललाई विपक्षीहरुले नयाँ बेहुली जुटाई दिएका छन् ।
उनलाई विपक्षी भारतीय जनता पार्टी (भाजपा) मा रहेका उनका केही मित्रले नयाँ बेहुली खोजी दिएका हुन् ।
विरोध स्वरुप उनलाई खोजी दिएको नयाँ बेहुलीका रुपमा भने विवास्पद अभिनेत्री राखी सवान्तलाई उभ्याईएको छ ।
भारतको कानपुर लगायतका स्थानमा टाँसिएको पोस्टरमा जउसवाललाई बेहुलाको रुपमा राखिएको छ भने अर्कातर्फ राखीलाई बेहुली बनाइएको छ । उनीहरू दुवैलाई हातमा वरमाला लिएर तयार भएको पोस्टरमा उभ्याइएको छ ।
तस्बिरमा बेहुला जयसवालकातर्फ कांग्रेस अध्यक्ष सोनिया गान्धी र राखीकोतिर प्रधानमन्त्री मनमोहन सिंहलाई उपस्थित गराइएको छ ।
तर त्यहाँ अभिनेत्री राखीलाई राखेमा राखी भने रिसले चुर भएकी छन् ।
गत साता ट्वान्टी-ट्वान्टी विश्वकपमा भारतले पाकिस्तानलाई पराजित गरेपछि जयसवालले नयाँ जित र नयाँ बिहेको मौलिक महत्त्व हुने भन्दै जित पुरानो हुँदै गएपछि मजा हराउँदै जाने र समय बित्दै जाँदा श्रीमती पनि पुरानी हुन्छिन् र उसमा पहिला जस्तो मजा हुन्न भन्ने अभिव्यक्ति दिएका थिए ।
