असोज २५ – सिन्धुलीमा एकीकृत नेकपा माओवादी र कांग्रेस कार्यकर्ताबीच झडप भएको छ । सिन्धुलीको कल्पवृक्ष मथौलीमा सडक निर्माणका विषयमा झडप भएको हो ।

झडपका कारण सिन्धुली तनावग्रस्त बनेपछि प्रहरीले नियन्त्रणमा लिनका लागि ६ सेल आश्रुग्याँस फायर गर्र्नु परेको छ ।
झडपमा एकीकृत माओवादीका नवराज देवकोटा र कांग्रेसका पवन थापा मगर लगायत अन्य थुप्रै घाइते भएका छन् ।

घाइतेहरुको जिल्ला अस्पताल सिन्धुलीमा उपचार भइरहेको छ ।

जिल्लाको ग्रामिण भेग कल्पवृक्ष गाविसको मथौलीमा बाटो निर्माणसम्बन्धी विवादमा माओवादी कार्यकर्ताले कांग्रेस समर्थितलाई कुटपिट गरेपछि दुवै पार्टी निकट कार्यकर्ताबीच चर्काचर्की सुरु भएको हो ।

यसमा तपाईको प्रतिक्रिया