पुस ८ – नेचाका नौ किशोर किशोरी शनिबारदेखि हराइरहेका छन् ।हराउनेमा नेचाबतासे–३ निवासी रुद्रबहादुर राईकी छोरी १५ वर्षीया सिर्जना राई, गालिमान विककी छोरी १५ वर्षीया रञ्जिता विक, जनार्दन राईकी छोरी १६ वर्षीया सुनिता राई र घनश्याम बास्तोलाकी छोरी १७ वर्षीया यसमकला बास्तोला छन् ।
त्यस्तै कुलबहादुर राईका छोराहरु ११ वर्षीय पुष्पकमल राई र नौ वर्षीय कुशल राई, सुबजङ राईका छोराहरु१ ४ वर्षीय प्रवीण राई र १३ वर्षीय मिलन राई तथा ओखलढुङ्गा रातमाटा घर भई हाल नेचाबतासेस्थित मामाघर बस्ने १७ वर्षीय सर्जना विक छन् ।
उनीहरु ओखलढुङ्गातर्फ गएको सूचना प्राप्त भएको प्रहरी नायब उपरीक्षक सुदनसिंह बस्नेतले जानकारी दिएको राससमा उल्लेख छ ।
कसैले उनीहरुलाई देखेमा नजिकको प्रहरी, जिल्ला प्रहरी कार्यालय सोलुखुम्बु वा ओखलढुङ्गामा जानकारी गराइदिन जिल्ला प्रहरी कार्यालय सोलुखुम्बुले अनुरोध गरेको छ ।
