भारतको राजधानी नयाँदिल्लीमा एक युवतीमाथि भएको सामूहिक बलात्कारको विरोधमा निर्माणाधिन बलिउड चलचित्र क्विनको निर्माण टोलीले कालो पोसाक लगाएर काम गरेका छन् ।

क्विनकी नायिका कंगना रणावतले सामूहिक बलात्कारको विरोधमा आफूहरुले कालो पोसाक लगाएर काम गरेको बताइन् । उनले आफूहरु पीडित पक्षलाई हरसम्भव सहयोग गर्न तयार रहेको समेत बताइन् ।

क्विनका निर्देशक विकास बहलले महिलाले जुनसुकै बेला सडकमा एक्लै हिँड्न सक्ने स्वतन्त्रता पाउनुपर्ने माग गरेका छन् । कंगनाले अस्पतालमा पीडित युवतीको सुस्वास्थ्यका लागि प्राथना समेत गरेकी छिन् ।

२३ वर्षीया ती युवतीलाई गुडिरहेको बसमा केही युवाहरुको समूहले कुटपिट गर्दै बलात्कार गरेको थियो । बलात्कार पछि ती युवतीलाई गुडिरहेकै बसबाट बाहिर फ्याँकिएको थियो । उनको हाल चिन्ताजनक अवस्थामा उपचार भइरहेको छ ।

यसमा तपाईको प्रतिक्रिया