चितवनमा हात्ती आतंक जारी, आक्रमणबाट एकको मृत्यु
पुस २९ पश्चिम चितवनको गितानगरमा जङ्गली हात्तीको आक्रमणबाट एक वृद्धको मृत्यु भएको छ ।
स्थानीय बाटुली पोखरी मध्यवर्ती सामुदायिक वनभित्र घाँस काट्न गएका पटिहानी गाविस–८ गङ्गानगर बस्ने ७० वर्षीय वृद्ध सुकदेव विकको मृत्यु भएको इलाका प्रहरी कार्यालय गितानगरले जनाएको छ ।
शनिबार बिहान घाँस काट्न गएका विकलाई सामुदायिक वनभित्रै जगङ्ली हात्तीले आक्रमण गरेको बताइएको छ ।
यसअघि गएराति पश्चिम चितवनकै माडीमा जङ्गली हात्तीले स्थानीय जनताका दुईवटा घरहरू भत्काएका थिए । पछिल्लो समय पश्चिम चितवनका स्थानीयवासी जङ्गली जनावरबाट पीडित बन्दै आएका छन् ।
प्रकाशित मिति:
January 13, 2013
