जनयुद्धको जगमा जनविद्रोह कार्यदिशा नेकपा–माओवादीको महाधिवेशनमा पास
पुस २९ – नेकपा–माओवादीको राजधानीमा जारी सातौँ महाधिवेशनमा जनयुद्धको जगमा जनविद्रोह जाने कार्यदिशा पास भएको छ ।
महाधिवेशनले एमाओवादी अध्यक्ष पुष्पकमल दाहाल प्रचण्ड र बाबुराम भट्टराईलाई एक नम्बर दलाल घोषणा गर्दै त्यसको सशक्त भण्डाफोर गर्ने निर्णय समेत गरेको छ ।
महाधिवेशनको पाँचाँै दिन समूह नेताहरूले उठाएका विषयवस्तुमा पार्टी अध्यक्ष मोहन वैद्य किरणले राजनीतिक दस्तावेज र सचिव देव गुरुङले दस्तावेजका विषयमा जवाफ दिएका छन् ।
आजैको बन्दसत्रमा राजनीतिक दस्तावेज तथा विधानको विषयमा पार्टी पदाधिकारीहरु उपाध्यक्ष सिपी गजुरेल, महासचिव राम बहादुर थापा बादल, सचिव नेत्र विक्रम चन्दले आफ्नो धारणा राखे ।
प्रकाशित मिति:
January 13, 2013
