पुस २२ – बझाङको दौलिचौर गाविसको सिकिन्नाडा भन्ने गाँउबाट प्रहरीले अबैध रुपमा हात हतियार बनाउने एक जना मिस्त्रीलाई हतियार सहित पक्राउ गरेको छ ।

दौलीचौर सिकिन्नाडाका लाल बहादुर बोहराको घरको गोठमा लुकीछिपी कटुवा बन्दुक बनाई रहेका सोहि गाँविस ९ घरभएका ३० बर्षिय दिपक विकलाई प्रहरीले प्रकाउ गरेको जिल्ला प्रहरी कार्यालयका प्रहरी नायब उपरिक्षक उदय तामाङले जानकारी दिए ।

हिजो उनलाई पक्राउ गरेपछि आज जिल्ला प्रहरी कार्यालय बझाङले गाँउमा अबैध हातहतियार बनाउने विक र उनले प्रयोग गर्ने सामाग्री सहित प्रत्रकार सम्मेलन गरि सार्वजनिक गरेको हो ।

विकले नयाँ बनाएका कटुवा बन्दुक २ थान, बन्दुक नाल २ थान, चार डिब्बा बारुद, २७ थान केप, ४५ फलामका गोली सहित छर्रा र अन्य हतियार बनाउन प्रयोग गरिने सामाग्री प्रहरीले सार्वजनिक गरेको छ । –रमेश भट्टराई

यसमा तपाईको प्रतिक्रिया