सप्तरीमा भिषण आगलागी, दर्जन घर जलेर नष्ट
चैत १७ - सप्तरीको रम्पुरा मल्हनियाँमा आज भएको आगलागीमा एक दर्जन घर जलेर नष्ट भएको छ ।
आगलागीबाट करिब रु ५० लाख मूल्य बराबरको धनमाल जलेर नष्ट भएको छ । रम्पुरा मल्हनियाँ–२ निवासी इब्राहिम मियाँको घरबाट गएराति सल्केको आगो तत्काल नियन्त्रणमा आउन नसकेकाले स्थानीय नसरुद्दिन मियाँ, जिब्रिल मियाँ, एजुब मियाँ, अनबर मियाँलगायतको १३ घर जलेर नष्ट भएको प्रहरीले जनाएको छ ।
सो आगलागीमा खाद्यान्न, लत्ताकपडा, भाडाकुँडा सखाप हुनुका साथै आधा दर्जन बढी चौपाया जलेका छन् ।
राजविराजबाट गएको वारुणयन्त्र र स्थानीयवासी, प्रहरी, नेपाली सेनाको ठूलो प्रयासपछि सो आगो नियन्त्रणमा आएको स्थानीयवासीहरुले बताएका छन् ।
विगत केही दिनयता सप्तरीमा भएका शृखङ्लाबद्ध आगलगीबाट विभिन्न गाविसका दर्जनाँै घर जलेर नष्ट हुनुका साथै करोडाँैको धनमाल क्षति भइसकेको छ ।
प्रकाशित मिति:
March 30, 2013
