२ युवा छ दिनदेखि बेपत्ता, प्रहरीले खोजीमा बेवास्ता गरेको आरोप
बैशाख ७ - विराटनगरबाट मोरङको केराबारी हिँडेका दुई युवा छ दिनदेखि बेपत्ता भएका छन् ।
विराटनगर–१ का १८ वर्षीय सुरज आचार्य तथा केराबारीका २२ वर्षीय सुरज ढकाल यही वैशाख १ गते केराबारी हिँडेकामा बाटोबाटै बेपत्ता भएको उनका परिवारले जनाएको छ । गोग्राहा उच्च मावि विराटनगर बिएडमा अध्यनरत ढकाल तथा अर्किड उच्च माविमा ११ कक्षामा अध्यनरत आचार्य दुवै जना साथी हुन् ।
यसरी बेपत्ता भएपछि परिवारले दुवैजनाको खोजीका लागि पत्रकार, प्रहरी तथा सम्बन्धित पक्षसँग आग्रह गरेका छन् । जिल्ला प्रहरी कार्यालय मोरङमा दुवै जनाको खोजीका लागि निवेदन दिइए पनि खोजीमा प्रहरीले बेवास्ता गरेको परिवारले आरोप लगाएका छन् ।
प्रकाशित मिति:
April 20, 2013
