विभिन्न देशमा जस्तै गरी हरेक वर्षझैं यस बर्ष पनि फ्रान्सको राजधानी पेरिसबासी नेपालिहरुले इफेल टावोरको जराबाट विश्वको सामु महामानव गौतम बुद्धको संदेश फैलाएका छन ।

गत शनिबार २५ मे को दिन २५५७ औँ बुद्ध जयन्तिको अवसर पारेर फ्रान्समा क्रियाशील सबै संघ संस्थाहरु; नेपाली एकता समाजफ्रान्स, नेपाल सांस्कृतिक गृह, गैह्र आवासीय नेपाली संघ फ्रान्स, तमु समाज फ्रान्स, एभरेस्ट नेपाल एसोसिएसन, पकोफेन नेपाल र नेपालि राजदूताबास फ्रान्सको संयुक्त आयोजनामा सम्पन्न उक्त कार्यक्रममा फ्रान्सबासि नेपालीहरुको उल्लेखीय उपस्थिति थियो ।

उपस्थित सबैले शान्तिका अग्रदूत गौतम बुद्धको जन्म नेपालमा भएको हो, लुम्बिनी नेपाल मा पर्दछ लगायतका प्लेकार्ड सहित गौतम बुद्धका महान उपदेशहरु लेखिएका प्लेकार्ड बोकेर उपस्थित भएका थिए । उपस्थित दर्शकलगायत स्थानीय र बिदेशी पर्यटकहरुलाई बुद्धको संदेशहरु लेखिएको पर्चि पनि बाँडिएको थियो ।

पेरिसको मुख्य पर्यटक केन्द्र ट्रोकादेरोमा भएको उक्त कार्यक्रममा विभिन्न मुलुकका पर्यटकहरु पनि निकै चाख दिएर बुद्धको बारेमा जिज्ञासा राखेका थिए । उक्त कार्यक्रममा नेपाल बाट आउनुभएका कृषि मन्त्रि टेक बहादुर थापा को पनि उपस्थिति थियो साथै उपस्थित सबैलाई नेपाली राजदूताबास पेरिसका महामहिम राजदुत मोहन कृष्ण श्रेष्ठरमन्त्रिथापाले सम्बोधन गर्नुभएको थियो । उत्साहजनक रुपमा नेपालीहरुको उपस्थिति रहेको कार्यक्रमले सबै नेपाली हरु एकजुट भएर बुद्धको शान्ति मार्गमा हिड्न सबैलाई एउटा संदेश दिएको छ ।

यसमा तपाईको प्रतिक्रिया