जेठ १४ । प्रधानन्यायाधीश समेत रहेका मन्त्रिपरिषद्का अध्यक्ष खिलराज रेग्मीविरुद्ध दायर निवेदन सोमबार फिर्ता गरेको सर्वोच्च अदालतले आज दर्ता गरेको छ ।
न्यायपालिका र कार्यपालिका प्रमुख एकै व्यक्ति बन्नु लोकतन्त्र र शक्तिपृथकीकरणको सिद्धान्तविपरीत भएकाले अध्यक्ष रेग्मीले प्रधानन्यायाधीशबाट राजीनामा दिनुपर्ने माग गर्दै सोमबार कामनपा–३४ निवासी भरतमणि जङ्गमले दायर गर्न ल्याएको निवेदन अपराह्न निमित्त रजिस्ट्रार श्रीकान्त पौडेलले फिर्ता गर्ने आदेश गरेका थिए ।
सो निवेदनअघि एकै विषयमा पाँचवटा निवेदन दर्ता भइसकेको र निवेदकले उठाएका माग सर्वोच्चमा विचाराधीन निवेदनबाटै सम्बोधन हुने भएको भन्दै सो निवेदन फिर्ता गरिएको थियो ।
श्री जङ्गमले निवेदनमा प्रधानन्यायाधीशले संविधानको मर्म र भावनालाई लत्याउँदै र न्यायका मान्य सिद्धान्तलाई बेवास्ता गरी सर्वोच्च अदालतको साख गुमाएको जिकिर गरेका थिए । रासस
Powered by Blogger.
सर्वोच्चले हिजो फिर्ता गरेको रेग्मी विरुद्धको निवेदन आज आफैँ दर्ता गर्यो
प्रकाशित मिति:
May 28, 2013
