भारतीय क्रिकेट टिमका कप्तान धोनीको दैनिक आम्दानी ५० लाख
तपाईलाई कुनै एउटा क्रिकेट खेलाडीले दैनिक ५० लाख कमाउँछ भन्दा पत्यार नलाग्न पनि सक्छ । तर तपाईले पत्याउनै पर्ने हुन्छ । किनकी यो कुरा साँचो हो - हाम्रै छिमेकी राष्ट भारतका क्रिकेट टिमका कप्तान महेन्द्रसिंह धोनीले दैनिक आम्दानी ५० लाख कमाउने गरेका छन् ।फोर्स पत्रिकाका अनुसार आम्दानीका हिसाबले धोनी विश्वमा १६ स्थानका खेलाडी हुन् । र उनको दैनिक आम्दानी ५० लाख रहेको छ ।
यसअघि अघिल्लो साल भने धोनी ३१ औ स्थानमा रहेका थिए ।
तिनै धोनीले पछिल्लो वर्ष एक अर्ब ७९ करोड भारतीय रुपैयाँ आम्दानी गरेको पत्रिकाले उल्लेख गरेको छ ।
तर फोर्सको पहिलो नम्बरमा रहेका गल्फर टाइगर उड्सले भने गएको वर्ष ७८.१ मिलियन डलर आम्दानी गरेका छन् ।
त्यस्तै दोस्रो स्थानमा ७१.५ मिलियन डलर सहित टेनिस स्टार रोजर फेडेडर, तेस्रो स्थानमा बास्केटबलका अमेरिकी खेलाडी कोबी ब्रायन्ट ६१.९ मिलियन डलर सहित रहेका छन् ।
प्रकाशित मिति:
June 08, 2013
