गच्छदारमाथि कारबाहीको तयारी, ४८ घण्टे अल्टिमेटम

कात्तिक ९ । निर्वाचन आयोगले आचारसंहिता उल्लंघनका विषयमा मधेसी जनअधिकार फोरम लोकतान्त्रिकका अध्यक्ष विजय गच्छदारलाई कारबाहीको तयारी गरेको छ ।

आयोगले अध्यक्ष विजय गच्छदारलाई स्पष्टीकरण सोधेको छ । स्पष्टिकरणमा 'कारबाही किन नगर्ने ?’ भन्ने बेहोराको पत्रमा कारबाही नगर्नुपर्ने कारण भए २४ घन्टाभित्र पेस गर्न अल्टिमेटम समेत दिइएको छ ।

कान्तिपुरमा छापिएको समाचारमा प्रमुख निर्वाचन आयुक्त निलकण्ठ उप्रेतीले कुनै पनि पक्षबाट हुने आचारसंहिता उल्लंघन सह्य नहुने बताए । ‘हामीले २४ घन्टाको समय दिएर उहाँलाई प्रष्टिकरण सोधेका छौं,’ उनले भने ।


निर्वाचन कानुन अनुसार चुनावको स्वच्छता र निष्पक्षतामा प्रभाव पर्ने भएकाले आचारसंहिता उलंघन गर्नेलाई उम्मेदवारी रद्द गर्ने, जरिवाना र ६ वर्षसम्म चुनावलड्न नपाउने घोषणा गरी सजाय दिनसक्ने अधिकार आयोगसँग छ ।

आचारसंहिता अनुसार एक उम्मेदवारले आयोगबाट अनुमति दिएर दुईवटा हलुका सवारी साधन मात्र प्रयोग गर्न पाइन्छ, तर गच्छदारले बिहीबार विराटनगरमा तेलसमेत वितरण गरी सयौं सवारी साधन चुनावी कार्यक्रममा प्रयोग गरेका थिए।