भ्रष्टाचार विरुद्ध धर्ना बसेकी भुसाललाई प्रहरीले पक्रियो
माघ २ । भ्रष्टाचारविरुद्ध अभियानकै क्रममा धर्नामा बसेकी शारदा भुषाल झा लाई प्रहरीले पक्राउ गरेको छ ।
प्रहरीले उनलाई आज बिहान पक्राउ गरेर हिरासतमा राखेपछि भुषासले भने हिरासतमै अनसन सुरु गरेकी छिन् ।
बानेश्वरस्थित संविधानसभा भवन अगाडी भ्रष्टाचारको विरोधमा १०० घण्टे धर्ना सुरु गर्दा प्रहरीले झालाई पक्राउ गरी महानगरीय प्रहरी वृत्त बानेश्वरमा राखेको छ ।
हिरासतमा रहँदासम्म नै अनसनमा बस्ने उनले बताएकी छिन् । निषेधित क्षेत्रमा कार्यक्रम गरिएकाले नियन्त्रणमा लिइएको प्रहरीको भनाई छ ।
उनले केही अघि रत्नपार्कको शान्ति बाटिकामा आन्दोलन गरेर बनौली दनौली गाविसमा भएको अनियमितताको छानविनका लागि दवाव दिएकी थिनन् ।
प्रकाशित मिति:
January 16, 2014
