पोखरा महोत्सवको सम्पूर्ण तयारी पूरा
पुस २९ । शिक्षा, स्वास्थ्य, खेलकुद र पर्यटन प्रवद्र्धन गर्ने उद्देश्यले युनाइटेड क्लब पोखराले भोली हुन लागेको पोखरा महोत्सवको सम्पूर्ण तयारी पूरा भएको जनाएको छ ।क्लबले महोत्सवबाट प्राप्त हुने आम्दानीबाट पोखरामा चिडियाखाना निर्माण, अमरसिँह नमुना उच्चमाध्यमिक विद्यालय र कालिका उमाविमा छात्रवृत्ति स्थापना गर्न र बृहत् आयुर्वेद शिविर सञ्चालन गर्ने लक्ष्य लिएको छ ।
महोत्सव डेढ लाख दर्शकले अवलोकन गर्ने र रु ६३ लाख ६३ हजार आम्दानी र ४७ लाख २६ हजार खर्च भई रु १६ लाख २७ हजार बचत हुने क्लबका अध्यक्ष हिमालय पोख्रेलले बताएका छन् ।
महोत्सव अवधिभर दर्शकको मनोरञ्जनका लागि अग्लो चरा ‘अस्ट्रिज’ पनि प्रदर्शनीमा राखिनेछ । महोत्सवलाई थप मनोञ्जनात्मक बनाउन विविध मनोरञ्जन, नृत्य प्रतियोगिता, दोहोरी, बालउद्यान, पप कन्सर्ट र झाँकी प्रदर्शन गरिने कार्यक्रम छ ।
पोखरा महोत्सव भोली देखि माघ ८ सञ्चालन हुने छ ।
प्रकाशित मिति:
January 13, 2014
