रेविजका कारण एकको ज्यान गयो

दिप बहादुर घर्ति

जाजरकोट २५ पुस । जाजरकोटमा रेविजले एक बृद्धको मृत्यु भएको छ । ३ महिना अघि बहुला कुकुरले टोकेका जाजरकोट झाप्रा २ का ६० वर्षिय शान्तबहादुर थापाको बिहीबार मृत्यु भएको हो । 

रेविज विरुद्धको खोप गाँउमा नपाएपछि स्थानिय जडिबुटी मात्र गरेका उनको टोकेको ३ महिना पछि मृत्यु भएको स्थानियबासीको भनाई छ । 

त्यतिबेला १० जना भन्दा बढीलाई बहुला कुकुरले टोकेको थियो । केहीले टाढा गएर रेविज विरुद्धको खोप एन्टिरेविज विरुद्धको भ्याक्सिन लगाएपनि केहीले भने घरेलु उपचार मात्र गरेका थिए ।

झाप्राको त्यस गाँउमा अहिले पनि बहुला कुकुरको विगविगी रहेको छ । स्थानिय स्वास्थ्य संस्थामा रेविज विरुद्धको भ्याक्सिन नभएको स्थानिय शेरबहादुर रावतले जानकारी दिए ।