म्यानपावर व्यवसायीद्धारा दिनदिनै करौडौं ठगी

पुस २४ ।  म्यानपावर व्यवसायीले विदेश जाने कामदारबाट सरकारले तोकेभन्दा तीन गुणा बढी सेवाशुल्क उठाएर दिनदिनै करोड भन्दा बढीको गठी हुँदै आएको पाइएको छ ।

सरकारले प्रतिकामदार तोकेको ५ हजार भन्दा तीन गुणा बढी रकम लिएर दिनमै करोड भन्दा बढी ठग्ने गरेको पाइएको हो । नेपालबाट प्रत्येक दिन कामदारका लागि बिदेसिनेको संख्या १ हजार छ। ५ हजार भनिएकोमा व्यवसायीले १५ हजार लिने गरेको तर भरपाई भने ५ हजार मात्रै लिने गरेको पाइएको हो ।

सरकारले सेवाशुल्कबापत ५ हजार लिनुपर्ने नियम बनाए पनि व्यवसायीले सेवाशुल्क थोरै भएको र कम्पनीलाई घाटा हुने भन्दै १५ हजार लिँदै आएका छन्।

कतार जान लागेका रौतहटका एक कामदारले एसओएस म्यानपावरमा आइतबार सेवाशुल्क १५ हजार तिरेको बताए। 'सेवाशुल्कबापत १५ हजार तिरें तर कम्पनीले ५ हजारको मात्र सेवाशुल्क उल्लेख गरेर भरपाई दिएको छ,' उनले भने।

मलेसिया दूतावासले विभिन्न शीर्षकमा शुल्क वृद्धि गरेको भन्दै आन्दोलनमा उत्रेका व्यवसायी आफैंले भने सरकारले तोकेको सीमाभन्दा १० हजार रुपैयाँ बढी रकम असुल्दै आएको नागरिक दैनिकमा खबर छ ।