अध्यक्ष महतो भन्छन्– 'विद्युत पर्यटन शिक्षा कृषि जेमा लगानी गरे नि सफल भइन्छ'
पुस ३० । गैर आवासीय नेपाली संघ (एनआरएन) का संस्थापक अध्यक्ष डा उपेन्द्र महतोले लगानीका लागि राम्रो दिन यति बेला नै भएको भन्दै तत्काल लगानी गर्न व्यवसायीहरुलाई आग्रह गरेका छन् ।
महतोले व्यवसाय सुरु गर्ने समय नकुर्न भन्दै समस्या नभएको देश कहीं पनि नभएको समेत बताएका छन् ।
पोखरा उद्योग वाणिज्य संघले मंगलबार पोखरामा आयोजना गरेको अन्तरक्रिया कार्यक्रम अध्यक्ष महतोले कुनै दिन राम्रो हुन्छ भनेर पर्खिएमा त्यो दिन कहिल्यै नआउने समेत उल्लेख गरे ।
पर्याप्त पूँजी भएका विदेशीहरु अवसरको खोजीमा रहेका र उनीहरुले लगानी गर्न थालेपछि मध्यमवर्गीयहरुलाई लगानी गर्न कठिन हुने समेत उनले बताएका छन् ।
नेपालमा विद्युत, पर्यटन, शिक्षा, कृषि लगायतका जुनसुकै क्षेत्रमा लगानी गरे पनि सफल भइने उनको विचार छ ।
प्रकाशित मिति:
January 14, 2014
