उपचारको अभावमा छटपटिदै घाइते बाघ
राजेन्द्र न्यौपानेगोरखा, ४ माघ । गोरखा जिल्लाको ताप्ले गाविस वडा नं. ६ स्थित ज्यादुल खोला पाखाबाट विहीबार राती घाइते अवस्थामा एउटा बाघ फेला परेको छ । स्थानीय गाउँलेहरु समातेर जिल्ला वन कार्यालय गोरखालाई बुझाएपनि बाघको उपचार हुन सकेको छैन ।
घाइते बाघको उपचारका लागि चितवन राष्ट्रिय निकुञ्जबाट चिकित्सक टोली माग गरिएको छ । चिकित्सकको टोली नआए बाघ मर्ने अवस्थामा पुगि सकेको सहायक वन अधिकृत होम बहादुर बल्छौडीले बताए ।
जिल्ला वन कार्यालयको कोठामा बाघलाई राखिएको छ । निक्कै कष्ट गरेर बाघ समातेर जिल्ला वन कार्यालयलाई बुझाएका गाउँलेहरुले बाघको उपचार गरेर बचाउनुपर्ने माग राखेका छन् । गोरखाका विभिन्न जंगलमा सानो जातका बाघहरु प्रशस्त रहेको जिल्ला वन कार्यालय गोरखाले जनाएको छ । रासस
प्रकाशित मिति:
January 18, 2014
