कारागारको क्षमता भन्दा दोब्बर बढी कैदी र थुनुवा

दिप बहादुर घर्ति/जाजरकोट 

माघ ३ । जाजरकोट जिल्ला कारागारको क्षमता भन्दा कैदी र थुनुवाको संख्या दोब्बर बढी भएको छ । विभिन्न केशहरु बढ्न थालेपछि यस्तो भएको हो ।

२५ जनाको क्षमता रहेको जिल्ला कारागारमा ३७ जना कैदी र  १६ जना थुनुवा गरि जम्मा ५३ जना कैदी र थुनुवा रहेका छन । जसमा २ जना महिला रहेका छन भने ५१ जना पुरुष रहेका छन । 

कारागारको क्षमता भन्दा बढी कैदी र थुनुवाको संख्याले बस्ने,खाने, सुत्ने जस्ता मानविय कार्यमा असजिलो भैरहेको छ । ३७ जना कैदीहरुमा २३ जना कर्तब्य ज्यान केशमा, जबरजस्ति करनीमा ९ जना, चोरीमा २ जना, हातहतियार खरखजनामा १ जना, बहुँ विबाहमा १ जना, अंगभंङ्ग कुटपिटमा १ जना,शिसु हत्यामा १ जना रहेका छन भने १६ जना थुनुवामा हातहतियार खरखजनामा ७ जना, जबरजस्ति करनीमा ५ जना,कर्तब्य ज्यानकेशमा ३ जना र मानव बेचविखनमा १ जना रहेको कारागार प्रशासनले जनाएको छ । 

कारागारको क्षमता भन्दा बन्दीहरुको संख्या दोब्बर बढी भए पनि आन्दोलन र धादली नभएको जेलर रत्न पौडेलले वताईन । उनीले बन्दीहरुको संख्या ठुलो भएता पनि ब्यबस्थापन राम्रंो संग गरेका छौं भनिन् ।