लाजिम्पाट पुगेर कांग्रेसका नेताले एमाओवादीलाई भने- 'मिलेर अघि बढौं'
माघ ३ । नेपाली कांग्रेसका शिर्ष नेताहरुले एमाओवादी अध्यक्ष पुष्प कमल दाहालको निवास पुगेर सरकार र संविधान निर्माणमा मिलेर अघि बढ्न आग्रह गरेका छन् ।कांग्रेस सभापति सुशील कोइरालासहितका नेताहरुले एमाओवादी अध्यक्ष प्रचण्डलाई भेटेर सरकार गठन लगायतका विषयमा छलफल गरेका हुन् ।
बैठकपछि कांग्रेस महामन्त्री प्रकाशमान सिंहले एक वर्षभित्र संविधान निर्माणका लागि मिलेर सरकार बनाउनुपर्ने र सबै दल सरकारमा आउनुपर्ने बताएको जनाए ।
एमाओवादी अध्यक्ष प्रचण्डले भने अहिले सरकारमा जाने योजना नभएको भन्दै संविधान निर्माणमा केन्द्रीत हुने प्रतिक्रिया दिएको बताइएको छ ।
विहीबार एमालेसँग छलफल गरेको कांग्रेसले शुक्रबार बिहान एकीकृत नेकपा माओवादीसँग छलफल गरेको हो ।
प्रकाशित मिति:
January 17, 2014
