प्रचण्ड नै एमाओवादी संसदीय दलको नेता, उपनेता बाबुराम
काठमाडौं, १३ माघ । एकीकृत नेकपा माओवादी संसदीय दलको नेतामा अध्यक्ष पुष्पकमल दाहाल नै हुने निश्चित भएको छ ।
संसदीय दलको नेता चयन, जारी केन्द्रीय समितिको बैठकमा उठेका विषयहरूको कसरी निरूपण गर्ने भन्ने विषयमा अध्यक्ष दाहाल लाजिम्पाटमा बसेको पूर्व पोलिटब्युरो सदस्यहरूको बैठकले दलको नेता छान्ने जिम्मा हेडक्वार्टरलाई दिएको छ ।
हेडक्वार्टरलाई जिम्मा दिएपछि दाहाल संसदीय दलको नेता र डा. बाबुराम भट्टराई उपनेता हुने लगभग पक्कापक्की जस्तै बनेको छ । बाबुराम पक्षधर मानिएका पूर्वपोलिटब्यूरो सदस्य देवेन्द्र पौडेलले केही न केही निर्णय गर्न भनेर नेता छान्ने जिम्मा कार्यालयलाई नै दिएको बताए । अन्य नेतालाई दलको नेता बनाउ“दा विवाद देखिएकाले अब दाहाल नै नेता बन्ने पक्कापक्की जस्तै देखिएको अर्का पोलिटब्यूरो सदस्यको भनाई छ । एमाओवादी हेडक्वार्टरमा दाहाल, भट्टराई, नारायणकाजी श्रेष्ठ र पोष्ट बहादुर बोगटी छन् ।
बैठकपछि पूर्व पोलिटब्यूरो सदस्यहरुले संविधानसभामा पार्टीको भूमिकालाई सशक्त बनाउन शीर्ष नेतृत्व नै जानुपर्छ भनेर नेता छान्ने जिम्मा शीर्ष चार नेतालाई दिइएको बताएका छन् ।
यसअघि एमाओवादीभित्र संसदीय दलको नेता छान्ने विषयमा विवाद रह“दै आएको थियो । दाहालले कृष्णबहादुर महरालाई संसदीय दलको नेता बनाउने प्रस्ताव गरेका थिए । उता, भट्टराईले नेता टोप बहादुर रायमाझीलाई अघि सारेका थिए । तर दाहाल पक्षधर नेताहरुले अध्यक्ष नै दलको नेता हुनुपर्ने अडान लिएका थिए । एमाओवादी भित्र चुनावमा पराजय भएकाले दलको नेता दोस्रो पुस्तालाई अघि सारेर शीर्षनेताहरु पार्टी निर्माणमा लाग्नुपर्ने आवाज समेत उठेको थियो ।
एमाओवादी बैठकमा पार्टी संगठनात्मकताका विषयमा पनि छलफल भए पनि कुनै निर्णय भने भएको छैन । नेता पौडेलले सबैलाई मिलाएर प्रस्ताव ल्याउन नेतृत्वलाई सुझाव दिएका जानकारी दिए ।
यस्तै, पार्टी प्रवक्ता अग्निप्रसाद सापकोटाले केन्द्रीय समितिको बैठकमा नेताहरूले उठाएको विषय र विशेष साङ्गठनिक अधिवेशनलगायतका विषयमा बैठकमा छलफल भएको बताए ।
मंगलबार बिहान पार्टी कार्यालयको बैठक बसेर पार्टी संगठनका विषयमा एजेण्डा तय गर्ने र दिउ“सो बस्ने केन्द्रीय समिति बैठकमा प्रस्ताव लैजान एमाओवादी तयारी रहेको छ ।
पूर्व पोलिटब्यूरो सदस्यहरुले भने आगामी बैशाखमा संगठनात्मक सम्मेलन गर्ने र सम्मेलनपछि तयारी गरेर अर्को वर्ष विशेष महाधिवेशनमा जान सकिने सुझाव दिएका छन् ।
प्रकाशित मिति:
January 27, 2014
