दलको नेता छान्न खनाल–ओली भिडन्तमा, कसले जित्ला त ?
माघ २० । नेकपा एमालेको केन्द्रीय कमिटी बैठकले पनि संसदीय दलको नेता छनोटको विषयमा निर्णय लिन सकेन ।
संसदीय दलको नेतामा अध्यक्ष झलनाथ खनाल र नेता केपी शर्मा ओली दुबैले आफ्नो अडान नछाडेपछि बैठकले कुनै निर्णय लिन नसकेको हो । केन्द्रीय कमिटी बैठकले कुनै निष्कर्ष निकाल्न नसकेछि दुबै समुह गुटको भेलामा जुटेका छन् ।
उनीहरु दुबै समुहले आफ्नो पक्ष बलियो बनाउन राजधानीकै होटलहरुलाई गुटको भेला स्थल बनाएको स्रोतले बताएको छ ।
पार्टी मुख्यालय बल्खुमा सोमवार बसेको बैठकमा वरिष्ठ नेता माधवकुमार नेपालले दलको नेतामा खनालको नाम प्रस्ताव गरेका छन् भने उपाध्यक्ष वामदेव गौतमले ओलीको नाम प्रस्ताव गरेका छन् ।
संसदीय दलको नेतामा सहमती नजुटेपछि एमालेमा निर्वाचन हुने पक्कापक्की जस्तै भएको छ । संसदीय दलको नेता छान्न निर्वाचन भए दुवै जनाबिच कडा प्रतिस्पर्धा हुने देखिएको छ । अहिलेसम्म दुवै नेताले जित्ने दाबी गरेका छन् ।
खनाल÷नेपालसँग ९३ जना सभासद् र ओलीसँग ७१ र गौतमसँग ९ जना सभासद रहेको बताइन्छ । तर मध्यमार्गी सभासद्ले कसलाई भोट दिने हुन् हार जित भने त्यसैले निर्धारण गर्ने बताइन्छ ।
प्रकाशित मिति:
February 03, 2014
