साताको नेम्सेमा एक अर्ब २१ करोड १२ लाखको कारोबार

माघ २५ । यस साता शेयर बजार परिसूचक नेप्सेमा करिब नौ अंकको सुधार भएको छ । साताभरी नेपाल स्टक एक्सचेन्जमा १ सय ४६ कम्पनीको एक अर्ब २१ करोड १२ लाख रुपैयाँ बराबरका ३३ लाख ३९ हजार कित्ता शेयरहरु खरिद–बिक्री भएको छ ।

गत साता १ सय ४४ कम्पनीको एक अर्ब ११ करोड ३९ लाख रुपैयाँ बराबरका ३१ लाख ६५ हजार कित्ता शेयरहरु खरि–बिक्री भएका थिए ।

साताको नेप्से परिसूचक पहिलो दिनको तुलनामा ८ दशमलब ९९ अंकले बृद्धि भई अन्तिम दिन ७ सय ८६ दशमलब ५२ अंकमा पुग्यो ।

यस साता जलविद्युत, अन्य र होटल समूह बाहेक अरु कारोबार भएका सबै समूहमा सुधार आएसँगै साताको नेप्से बढेको हो ।