हारे पनि बंगलादेशसँग कमजोर देखिएन नेपाल

चैत्र ५ । टि–२० विश्वकप अर्न्तगत समूह ए को दोस्रो खेलमा नेपाल बंगलादेशसँग ८ विकेटले पराजित भएको छ ।

स्वाभाविक रुपमै पनि टेस्ट खेल्ने राष्ट्रविरुद्धको पहिलो भेटमा नेपालले बंगलादेशसँग ठूलो अपेक्षा नराखेको भएपनि कमजोर प्रदर्शन पनि गरेन ।

१४ वर्षअघिदेखि टेष्ट खेलिरहेको राष्ट्रलाई १२७ रनको चुनौती दिनु, ५ विकेटको क्षतिमा २० ओभरसम्म टिक्नु नेपालका लागि निक्कै राम्रो प्रदर्शन नै मानिएको छ ।

घरेलु मैदानमा मंगलबार साँझ भएको खेलको पहिलो इनिङमा नेपालले दिएको १ सय २७ रनको लक्ष्य पछ्याउने क्रममा बंगलादेशले २७ बल बाँकी रहँदै २ विकेटको क्षतिमा नेपाललाई पराजित गरेको थियो ।

नेपालको सुरुआत राम्रो रहेन। सुवास खकुरेल ८ र सागर पुन १२ रन बनाई आउट भए। पहिलो बलमै ३ रन जोडेका उपकप्तान ज्ञानेन्द्र मल्ल २ चौका प्रहार गरी १३ रनमा आउट भए। कप्तान पारस खड्का र शरदले चौथो विकेटमा ८५ रन जोडेपछि नेपालले आफ्नो हिसाबमा राम्रो स्कोर जम्मा गरेको थियो ।

यता, लगातार दोस्रो विजयले बंगलादेशको सुपर टेनमा पुग्ने सम्भावना बलियो भएको छ। नेपाल र अफगानिस्तानले १–१ विजय पाएका छन्। हङकङले दुवै खेल हारिसकेको छ। बिहीबार नेपाल र अफगानिस्तान तथा बंगलादेश र हङकङबीच खेल हुनेछ।