पार्टी एकता हुन्छ भने नेतृत्व वैद्यलाई नै दिन्छु : प्रचण्ड
जेठ १ काठमाडौं । एकीकृत नेकपा माओवादीका अध्यक्ष पुष्पकमल दाहाल प्रचण्डले पार्टी एकताका लागि मोहन वैद्यलाई नेतृत्व दिन तयार रहेको घोषणा गरेका छन् ।
पार्टी एकताका लागि आफू बाधक नबन्ने भन्दै उनले पार्टी पुननिर्माणका लागि मोहन वैद्यलाई नेतृत्व जिम्मा लगाएर आफू सामान्य कार्यकर्ता बन्न तयार रहेको घोषणा गरेका हुन् ।
विद्यार्थी एकता दिवसको सन्दर्भमा अखिल क्रान्तिकारीद्धारा राजधानीमा बिहीबार आयोजित एउटै कम्युनिष्ट केन्द्र निर्माणः सम्भावना र चुनौती विषयक अन्तरक्रिया कार्यक्रममा अध्यक्ष दाहालले दुई माओवादी लगायत जनयुद्धकालपछि बनेको राजनीतिक दल नमिलेमा कम्युनिष्ट आन्दोलन नै धराशायी भएर जाने जिकिर समेत गरे ।
यसअघि मोहन वैद्य नेतृत्वको माओवादीले नेतृत्व र कार्यदिशा छाडेको खण्डमा एमाओवादीसग एकता हुने जनाउदै आएको थियो । यसमा आफू एकताको बाधक नबन्ने दाहालले दाबी गरेका छन् । ‘यदि नेपालमा कम्युनिष्टहरुको केन्द्र बन्छ र कम्युनिष्ट शक्ति मजबुत भएर आउ“छ भने म त्यसको लागि नेतृत्व त्याग्न पनि तयार छु’ प्रचण्डले भने, ‘देशको कम्युनिष्ट आन्दनेलन अघि बढ्छ भने म बाधक बन्दिन् । सामान्य कार्यकर्ता भएर पनि कम्युनिष्ट र माओवादी आन्दोलनलाई अगाडी बढाउन तयार छु ।’
अध्यक्ष प्रचण्डले नेतृत्व वैद्यलाई जिम्मा लगाउने कुरा गरिरहदा दाहाल र वैद्य दुवै भावुक जस्तै देखिएका थिए भने दुवै पक्षका कार्यकर्ताले ताली बजाएका थिए ।
दाहालपछि प्रमुख अतिथिको भूमिका मन्तव्य राखेको नेकपा माओवादीका अध्यक्ष वैद्यले पनि दाहालको प्रस्तावमा समर्थन गर्दै कार्यगत एकतामा जोड दिएका थिए । कार्यक्रममा अध्यक्ष वैद्यले विगतमा कतिपय विषयमा प्रचण्डले गल्ती स्वीकार गर्नु सकरात्मक रहेको भन्दै प्रचण्डले नेतृत्व हस्तान्तरण गर्ने कुरा हृदयदेखि नै महसुस गरेको भए त्यो सकरात्मक हुने समेत जनाए । माओवादी विरुद्ध मुद्धा समेत हाल्न थालेको भन्दै उनले तत्काल संविधानका अन्तरवस्तु, द्धन्द्धकालीन मुद्धामा भएका धरपकड लगायतका विषयमा कार्यगत एकता गरेर अघि बढ्नुपर्ने बताए ।
भावनामा आएर मात्रै पनि एकता हुन नसक्ने र यसका लागि वैचारिक राजनीतिक विषय मिल्नुपर्ने वैद्यको भनाई छ । उनले पार्टी एकताका लागि ६ वटा आधार पेश गर्दै कार्यनीति ठ्याम्मै मिलेपछि मात्रै एकता गर्ने भन्ने विशुद्धतावादी सोचाई राख्न नहुने समेत उल्लेख गरे ।
पार्टी एकताका लागि आफू बाधक नबन्ने भन्दै उनले पार्टी पुननिर्माणका लागि मोहन वैद्यलाई नेतृत्व जिम्मा लगाएर आफू सामान्य कार्यकर्ता बन्न तयार रहेको घोषणा गरेका हुन् ।
विद्यार्थी एकता दिवसको सन्दर्भमा अखिल क्रान्तिकारीद्धारा राजधानीमा बिहीबार आयोजित एउटै कम्युनिष्ट केन्द्र निर्माणः सम्भावना र चुनौती विषयक अन्तरक्रिया कार्यक्रममा अध्यक्ष दाहालले दुई माओवादी लगायत जनयुद्धकालपछि बनेको राजनीतिक दल नमिलेमा कम्युनिष्ट आन्दोलन नै धराशायी भएर जाने जिकिर समेत गरे ।
यसअघि मोहन वैद्य नेतृत्वको माओवादीले नेतृत्व र कार्यदिशा छाडेको खण्डमा एमाओवादीसग एकता हुने जनाउदै आएको थियो । यसमा आफू एकताको बाधक नबन्ने दाहालले दाबी गरेका छन् । ‘यदि नेपालमा कम्युनिष्टहरुको केन्द्र बन्छ र कम्युनिष्ट शक्ति मजबुत भएर आउ“छ भने म त्यसको लागि नेतृत्व त्याग्न पनि तयार छु’ प्रचण्डले भने, ‘देशको कम्युनिष्ट आन्दनेलन अघि बढ्छ भने म बाधक बन्दिन् । सामान्य कार्यकर्ता भएर पनि कम्युनिष्ट र माओवादी आन्दोलनलाई अगाडी बढाउन तयार छु ।’
अध्यक्ष प्रचण्डले नेतृत्व वैद्यलाई जिम्मा लगाउने कुरा गरिरहदा दाहाल र वैद्य दुवै भावुक जस्तै देखिएका थिए भने दुवै पक्षका कार्यकर्ताले ताली बजाएका थिए ।
दाहालपछि प्रमुख अतिथिको भूमिका मन्तव्य राखेको नेकपा माओवादीका अध्यक्ष वैद्यले पनि दाहालको प्रस्तावमा समर्थन गर्दै कार्यगत एकतामा जोड दिएका थिए । कार्यक्रममा अध्यक्ष वैद्यले विगतमा कतिपय विषयमा प्रचण्डले गल्ती स्वीकार गर्नु सकरात्मक रहेको भन्दै प्रचण्डले नेतृत्व हस्तान्तरण गर्ने कुरा हृदयदेखि नै महसुस गरेको भए त्यो सकरात्मक हुने समेत जनाए । माओवादी विरुद्ध मुद्धा समेत हाल्न थालेको भन्दै उनले तत्काल संविधानका अन्तरवस्तु, द्धन्द्धकालीन मुद्धामा भएका धरपकड लगायतका विषयमा कार्यगत एकता गरेर अघि बढ्नुपर्ने बताए ।
भावनामा आएर मात्रै पनि एकता हुन नसक्ने र यसका लागि वैचारिक राजनीतिक विषय मिल्नुपर्ने वैद्यको भनाई छ । उनले पार्टी एकताका लागि ६ वटा आधार पेश गर्दै कार्यनीति ठ्याम्मै मिलेपछि मात्रै एकता गर्ने भन्ने विशुद्धतावादी सोचाई राख्न नहुने समेत उल्लेख गरे ।
प्रकाशित मिति:
May 15, 2014