ठूलाले आत्महत्या गरेको देखेर १२ वर्षीय बालकले गरे आत्महत्या
ओखलढुङ्गा जिल्ला कुहिभिर–७ स्थायी घर भई हाल नयाँपाटी–४ बस्दै आएका १२ वर्षीय सिद्धार्थ कोइरालाले बुधबार डेरा गरी बस्दै आएको उत्तम राईको घरको छतमा झुन्डिएर आत्महत्या गरेको महानगरीय प्रहरी वृत्त बौद्धले जानकारी दिएको छ ।
नयाँपाटीमै रहेको चण्डिकाश्वरी अङ्ग्रेजी माविमा अध्ययनरत कोइराला मङ्गलबार विद्यालय छुट्टी भएपछि नयाँपाटी–२ मा घर बनाई बस्दै आएका काभ्रेपलाञ्चोक जिल्ला मदनकुडारी– १ का स्थायी बासिन्दा ३५ वर्षीय बुद्धिलाल तामाङले घरमा झुन्डिएर आत्महत्या गरेको दृश्य हेर्न गएका थिए ।
झुन्डिएको हेरेर आएपछि यसरी पनि मरिन्छ र भन्दै आफन्तसित सोधेको प्रारम्भिक अनुसन्धानबाट थाहा भएको प्रहरी वृत्त बौद्धका प्रहरी निरीक्षक दामोदर दवाडीले जानकारी दिनुभयो । दुवैको शव परीक्षणका लागि त्रिवि शिक्षण अस्पतालमा पठाइएको पनि उनले बताए ।
शव परीक्षण रिपोर्ट आएपछि घटनाका विषयमा थप भन्न सकिने उनले जानकारी दिए ।
प्रकाशित मिति:
July 17, 2014
