खोटाङको हलेसीमा भिषण आगलागी
खोटाङ १८ पुस
खोटाङको हलेसी बजारमा ग्यास पड्किएर आगलागी भईरहेको छ । ग्यास पड्केर आगलागी भएको बताइएको छ, आगलागी अहिले पनि जारी छ । सुरुमा एउटा घरबाट आगलागी सुरु भएपनि अहिले अन्य घरमा पनि सुरु भएको छ ।
माओवादी केन्द्रका नेता सुरेश राईले ग्याँस पड्किएर आगलागी भएको र अहिले नियन्त्रणमा लिने काम भईरहेको बताएका छन् ।
उनका अनुसार दिक्तेलबाट ८ः३२ मा दमकल त्यसतर्फ लागेको छ । दमकल पुग्न २ देखि ३ घण्टा लाग्ने बताइएको छ ।
एउटा घरमा सुरुमा आगलागी भएपनि अहिले ३÷४ वटा घरमा आगो सल्किएको बताइएको छ ।
खोटाङ प्रतिनिधिसभाका नवनिर्वाचित सदस्य विशाल भट्टराईले आगलागीको पुष्टि गरेका छन् ।
प्रकाशित मिति:
January 02, 2018
