पिसाब नलीको पत्थरीको अप्रेशन गरेर घर फर्किए खनाल
भदौ १६ – नेकपा एमालेका अध्यक्ष झलनाथ खनाल पिसाब नलीमा रहेको पत्थरीको सफल शल्यक्रियासँगै घर फर्किएका छन् ।
आज बिहान युरोसर्जन सुमन शर्मा, राजेश बटाजु तथा भारतको एपोलो अस्पतालका युरो सर्जन असुमान अग्रवाल सहितको चिकित्सकको टोलीले अध्यक्ष खनालको शल्यक्रिया लेजर प्रविधिबाट सफलतापूर्वक गरेका हुन् ।
पत्थरीको शल्यक्रियाका लागि खनाल आज बिहान अल्का अस्पताल जाउलाखेलमा भर्ना थिए ।
उनलाई शल्यक्रिया सफल भएपछि साँझ डिस्चार्ज गरिएको छ ।
चिकित्सकले केही दिन आराम गर्न, प्रशस्त पानी पिउन, एक साप्तापछि पुनः पिसाब जाँच गर्न अध्यक्ष खनाललाई सल्लाह दिएका छन् ।
प्रकाशित मिति:
September 01, 2012
