वैदेशिक रोजगारीका लागि साइप्रस पुगेकी एक नेपालीको त्यहाँ मृत्यु भएको छ ।
हाउसमेट भिसामा साइप्रस पुगेकी नेपाली रेनु शेर्पाको निधन भएको हो । उनी काठमाडौको बौद्ध जोरपाटी नयाँ बस्ति–२ निवासी भएको जानकारी प्राप्त भएको एनआरएन साइप्रसले जनाएको छ ।
साइप्रसको लारनाका भन्ने शहरमा लामो समयदेखी काम गर्दै आएको र पछिल्लो केही महिनादेखी गैरकानुनी रुपमा बस्दै आएकी शेर्पाले यही अक्टुबर ६ को राती नेपाली दाजुभाई र दिदिबहिनीहरुसँग पार्टीमा खानपिन गर्ने क्रममा साइप्रस इमिग्रेसनले छापा मार्दा भाग्ने क्रममा एक्कासी उनी पाचौँ तल्लाको झ्यालबाट हामफालेर बच्ने क्रममा जमिनमा खस्दा सख्त घाइते भएकी थिइन् ।
पछि उनलाई साइप्रस प्रहरीले अस्पताल लगि उपचारका लागि भर्ना गरे पनि उपचारकै क्रममा अक्टुबर ७ को दिन बिहान ८ बजे उनको दुःखद निधन भएको हो ।
उक्त घटनामा एनआरएन साईप्रसले दुःख व्यक्त गर्दै उनको परिवारको अहिलेसम्म कुनै पनि ठेगाना नभएकाले र आफ्नो संस्थाले गर्नुपर्ने सहयोगको लागि समस्या परेको हुनाले उनको आफन्तजनलाई चिन्नुहुने जो कोहीले पनि एनआरएन साईप्रस समाजसँग सम्पर्क गरिदिन हुन अनुरोध समेत गरेको छ ।
