असोज १७ – यौन पेसामा लागेका महिलाका लागि सुरक्षित जीवन जिउनका लागि कम्युनिटी एक्सन सेन्टर–नेपाल (सिएसी नेपाल) ले परामर्श गर्ने काम थालनी गरेको छ ।

काभ्रेपलाञ्चोकमा यौनकर्मी महिला बढ्दै गएको र त्यसबाट उनीहरुलाई सुरक्षित जीवन जिउनका लागि सहयोग गर्ने उद्देश्यले उक्त संस्थाले छ महिनादेखि त्यस्तो कामको थालनी गरेको संस्थाका अध्यक्ष तुलसालता अमात्यले जानकारी दिए ।

मङ्गलबार आयोजित पत्रकार सम्मेलनमा अमात्यले संस्थाले कार्य थालनी गरेको समयावधिमा २५० यौनकर्मीलाई परामर्श दिइसकेको बताए ।

“हामीले संस्थामार्फत त्यस्ता महिलालाई सुरक्षित जीवनका लागि सुझाव दिने र समस्यामा परेकाहरुलाई आवश्यक सहयोग गर्दै आइरहेका छौँ”– अमात्यले भने । उनका अनुसार सिएसी नेपालको सम्पर्कमा आएका महिलाका लागि स्वास्थ्य परीक्षण गर्न र अन्य परामर्श तथा उपचारका लागि धुलिखेल अस्पतालसँग समन्वय गरिएको छ । रासस

यसमा तपाईको प्रतिक्रिया