असोज १८ – घरबाट पढ्न भनेर हिँडेको विद्यार्थीहरुको एक समूह खोलाको किनारमा नशालु पदार्थसहित फेला परेको छ ।

विद्यार्थीहरु त्यस्तो अवस्थामा फेला परेपछि प्रहरीले उनीहरुलाई नियन्त्रणमा लिएर अभिभावकको जिम्मामा लगाएको छ ।

दमकका दुई वटा निजी विद्यालयमा कक्षा ११ र १२ मा अध्ययनरत चार छात्रासहित ११ विद्यार्थीलाई कक्षा सञ्चालनको समयमा दमकको रतुवा खोला क्षेत्रको काँसघारीबाट नियन्त्रणमा लिएको हो ।

उनीहरूको साथबाट गाँजा सेवनका लागि प्रयोग गरिने चिलिम, सूर्ति, चुरोट र तास बरामद गरेको छ ।

भविष्यमा यस्ता काम नगर्ने चेतावनी दिएर उनीहरूलाई अभिभावकको जिम्मामा लगाइएको प्रहरीले जनाएको छ ।

यसमा तपाईको प्रतिक्रिया