असोज १८ – यात्रुबाहक बसमा चढेर सर्वसाधारण यात्रुहरूको रकम चोरी कार्यमा संलग्न रहेको आरोपमा एक युवकलाई बुधबार यात्रुहरूले कुटपिट गर्दै प्रहरीलाई बुझाएका छन् ।

वीरगन्जबाट विराटनगर जाँदै गरेको यात्रुबाहक बसमा चढेर यात्रुहरूको रकम पाकेटमारी गरिरहेको अवस्थामा बसमा सवार यात्रुहरूले सिरहाको असनपुर–७ गोलबजार घर बताउने २७ वर्षीय सुरेश बोगटीलाई कुटपिट गरी जिल्ला ट्राफिक प्रहरी कार्यालय लहानमा बुझाएका हुन् ।

बोगटीलाई आवश्यक अनुसन्धानका लागि वडा प्रहरी कार्यालय लहानमा राखिएको जिल्ला ट्राफिक प्रहरी बताएको छ ।

यसैबीच भारतबाट भन्सार छलेर अवैध रुपमा नेपालतर्फ ल्याउँदै गरेको रु एक लाख मूल्य बराबरको दैनिक उपभोग्य समानहरू प्रहरीले सिरहाको महेशवारीबाट बरामद गरेको छ ।

गस्तीमा खटिएको टोलीले भारतीय बजारबाट अवैध रुपमा नेपालतर्फ ल्याउँदै गरेको अवस्थामा चिनी, दाल, बिस्कुट, चामल, बिडी, चकलेट, खानेतेललगायतका समान बरामद गरिएको प्रहरीले बतायो ।

यसमा तपाईको प्रतिक्रिया