क्यानडाका नेपालीहरुद्वारा सावदको उपचारका लागि आर्थिक सहयोग
असोज १८ – मदन पुरस्कार विजेता नरबहादुर सावदको उपचारका लागि क्यानडाबाट सहयोग पठाएको छ ।
क्यानडाको युनिभरसिटी अफ क्यालगरीमा अध्ययनरत मदन नाथबाट सो सहयोग पठाएको हो ।
बेडसोर भएर उपचार खर्च नभएर समस्यामा परेका पुरस्कार विजेतालाई उनले रु आठ हजार ४२७ पठाएको सहयोग सङ्कलन समितिका सदस्य नवीन सिंह धामीले बताए ।
फेसवुकमा सावदको आर्थिक सहयोगका लागि अपिल देखेपछि उनले सहयोग गरेका हुन् । महेन्द्रनगरबाट सावदको उपचारका लागि रु ३५ हजारभन्दा बढी सहयोग रकम सङ्कलन भइसकेको छ ।
प्रकाशित मिति:
October 04, 2012
