असोज २७ – दशैं आउनै लागेको बेला प्रहरीले छापा मार्दा आज राजधानी ल्याइँदै गरेको अवस्थामा मृत पशु फेला परेको छ ।
मृत पशु राजधानी ल्याइदै गर्दा फेला परेपछि कतै त्यो बिक्रीकै लागि ल्याउन लागेको त होइन भनेर शंका उपशंका उब्जिए पनि त्यसको कारण भने खुलेको छैन ।
आज बिहान प्रहरीले थानकोट नागढुंगामा छापा मार्दा गाडीमा ल्याउँदै गरेको अवस्थामा मारेका खसी र कुखुरा फेला परेको हो । गोप्य सूचनाका आधारमा प्रहरीले छापा मार्दा गाडीमा ल्याइदै गरेको अवस्थामा परेका खसी चार ओटा र १३ कुखुरा नियन्त्रणमा लिएको छ । बा ६ च ९५ नम्बरको मिनी ट्रकबाट मरेका खसी राजधानी ल्याइदै गरेको अवस्थामा प्रहरीले नियन्त्रणमा लिएको हो ।
महानगरीय प्रहरी प्रभाग, पशु सेवा विभाग र नागरिक न्यायिक उपभोक्ता मञ्चको टोली सहितका प्रहरीले छापा मार्दा मरेका खसी र कुखुरा फेला पारेको हो । मरेका खसी र खुकुराको मोस्ट मार्टका लागि कालिमाटी प्रहरीले नियन्त्रणमा राखेको छ । प्रहरीले छापा मार्ने क्रममा फेला परेका जनावरको पोष्ट मार्टम पछि मात्र के कारण जनावर परेको हो भन्ने थाहा पाउँन सकिने छ ।
प्रहरीले बाहिरबाट मरेकै जनवार ल्याइएको हो अथवा ल्याउँने क्रममा मरेका हुन् भन्ने कुराको अनुसन्धान भइरहेको बताएको छ ।
