राष्ट्रपतिको भारत भ्रमण मन्त्रीपरिषदद्धारा स्वीकृत
पुष ६ मन्त्रिपरिषद्को आज बसेको बैठकले राष्ट्रपतिको भारत भ्रमणलाई स्वीकृत गरेको छ ।
बैठकपछि सरकारका प्रवक्ता एवं सूचना तथा सञ्चार मन्त्री राजकिशोर यादवले २२ सदस्यीय भ्रमण टोली स्वीकृत गरेको जानकारी दिए ।
२२ सदस्यीय भ्रमण टोलीमध्ये छोरा चन्द्रमोहन, बुहारी रेश्मी र नाती रहेपनि उनीहरु भने मन वाराणासीबाटै फर्कने कार्यक्रम रहेको बुझिएको छ ।
राष्ट्रपति बनारस हिन्दू विश्वविद्यालयको कार्यक्रममा भाग लिन पुस ८ गते आइतबार वाराणासी जाने कार्यक्रम तय भएको हो ।
राष्ट्रपतिको उक्त भारत भ्रमणमा सरकारका तर्फबाट भने सिँचाइ मन्त्री महेन्द्रप्रसाद यादव सहभागी रहने बताइएको छ ।
प्रकाशित मिति:
December 21, 2012
