अल बाई ‘आइरन लेडी’
चैत्र २६ - आइरन लेडीको नामले परिचित बेलायतकी एक्ली महिला पूर्व प्रधानमन्त्री मार्गरेट थ्याचरको आज निधन भएको छ ।
जहाँ विश्व राजनीतिमा थोरै महिलाहरुको नाम आउँदा उनै आइरन लेडी थ्याचरको पनि आउने गर्दछ । उनैको आज ८७ वर्षको उमेरमा निधन भएको हो ।
दोस्रो विश्वयुद्धपछिको बेलायतका केही गिनेचुने नेतामध्ये एक थ्याचरलाई सोमबार मष्तिष्काघात भएको उनका प्रवक्ताको भनाई उदृत गर्दै अन्तर्राष्टिय सञ्चारमाध्यमहरुले जनाएका छन् ।
उनले लगातार १५ वर्ष बेलायतको कन्जरभेटिभ पार्टीकी प्रमुख रहेर काम गरेकी थिइन भने सन् १९७९ देखि सन् १९९० सम्म ११ वर्ष उनले बेलायतको प्रधानमन्त्रीत्व सम्हालेकी थिइन् ।
सन् २००२ मा पहिलो मष्तिष्काघातदेखि उनी सार्वजनिक जीवनबाट बाहिरिएकी थिइन् ।
प्रकाशित मिति:
April 08, 2013
