जेठ १५ । एकीकृत नेकपा माओवादीका अध्यक्ष पुष्पकमल दाहाल प्रचण्डलाई सार्वजनिक रुपमै गालामा झाप्पु हानेर कुनै समय चर्चामा आएका पदम कुवरले सोचे अनुरुप गणतन्त्र नभएको भन्दै दुःख व्यक्त गरेका छन् ।

उनले देश लुटेराहरुले चलाएर बेच्न लागेको र यस्तो अवस्थामा गणतन्त्रमा गरीबहरुलाई सिटामोल खान समेत नपाएर मर्न बाध्य भईरहेको भन्दै फेसबुकमार्फत दुःख व्यक्त गरेका हुन् ।

उनले भनेका छन्- 'यो लुटेराहरुले लुटेको देश, दलालरुले बेच्न तयार बनाएको देश, फटाहाहरुले शासन र सत्ता चलाऊने देश, प्रशासनमा दलाल्रु, चोक चोकमा दलाल, पार्टी भित्र दलाल, अनी आएको छ गणतन्त्र यिनै लुटेराहरुलाई । खुशी यिनैलाई छ महल यिनैको छ। शक्ती यिनैहरुकै छ। हामी निमुखाहरु सडकमा भोकै नाङ्गै बाँच्न विवश छौ ।'

पदमले दुःख र निक्कै आक्रोश पोख्दै अगाडी लेखेका छन् - 'हुन्कार गर्छन् यिनै दलाल शासकहरु गणतन्त्र दिबसको हामीले घरमा घरमा दिवाली गर्नु रे एक छाक खान नपाउने गणतन्त्र । एउटा सिटामोल खान नपाएर मर्न वाध्य हुने गणतन्त्र । भो चाहिएन तिम्रो गणतन्त्र !'

यसमा तपाईको प्रतिक्रिया