बैतडीमा पनि पहिरोले घर बगाउँदा एकै परिवारका पाँच बेपत्ता
असार ४ । अविरल वर्षासँगैको आएको पहिरोले घर बगाउँदा एकै परिवारका पाँच जना बैतडीमा बेपत्ता भएका छन् ।
बैतडीको खोड्पे–९ खोलाखोड्पेको एक घरका ५ जना पुरिएका हुन् ।
गाउँलेले प्रहरीलाई खबर गरेपछि अहिले प्रहरीले बेपत्ताहरुको खोजी कार्य गरिरहेको छ ।
घटनाबारे थप जानकारी आउन बाँकी छ ।
यता, नागरिक दैनिकको अनलाइन संस्करण नागरिक न्यूजले अबिरल बर्षासँगै आएको बाढीले जोगबुढाका दुई गाउँ सम्पर्कबिहीन भएको खबर छापेको छ ।
ईलाका प्रहरी कार्यालयका प्रहरी निरीक्षक सुर्य चन्दको भनाई उधृत जोगबुढा–२ का पट्रानी र ठन्डाजाला गाउँका मानिस राति देखि नै सम्पर्कबिहीन भएको खबरमा उल्लेख गरेको छ ।
प्रकाशित मिति:
June 18, 2013
